##registracija##

Vardas
##pavarde##
##elektroninis-pastas##
Slaptažodis
##pakartokite-slaptazodi##
Registruotis

Žemaitės memuorialėnis muziejos Bokontės dvara suodībuo

Bokontės vėituovė i̇̄r žėnuoma nu XVI o. – tumet tai bova bajuoru Bokantiu valda, vuo nu tuos pavardies i̇̄r kėlės ėr vėituovardis XVIII o. Grapā Pliaterē isėgėjė Šateikiu dvara karto so Bokontės palėvarko (palėvarks – namažos atskėrs ūkis dvara valduos), katrō gal aptėktė ėr kėtās pavadėnėmās: Mažāsis Bokontės dvarielis arba Bokontėškės dvarielis. Bokontės palėvarka sodi̇̄buo XIX o. bova isėkūrosi ėr anō priveiziejė nusėgi̇̄venosiu bajuoru Ontuona ėr Jolėjanas Benioševėčiū šeima. 1845 m. anėms gėmė doktie – Benioševėčātė Jolėjė. Ta pati Jolėjė, katra pu vedi̇̄bu gava Ži̇̄montienės pavardė ėr ėšgarsiejė kāp raši̇̄tuojė Žemaitė, mums i̇̄r palėkosi 354 literatūrėnius kūrėnius.

Bokontie prabiega dvi̇̄lėka pėrmūju būsėmuosės raši̇̄tuojės gi̇̄venėma metu, vieliau vaizdingā apraši̇̄tu kninguo „Autobiografėjė“: Raši̇̄tė mama namuokiejė, tik ont kningas skaitė, bet sava bajuorėška kėlėma ėr lėnkėška kalba dėdlē gerbė. Mumis, sava vākus, priveiziejė, ka lėnkėškā kalbietomiem, lėnkėškas kningas lėipė skaiti̇̄tė. Mona tievā pas grapa Pliuoteri ėštarnava daugiau kāp dešimt metu: tievs – oriedo, muotina – gaspadėnė. Baudžiauninkā nudėrba laukus, vuo dvarelie gi̇̄vena tik tievā, somdi̇̄ta mergātė ėr pėimou bondā gani̇̄tė ėr žėima šertėis“.

1965 m. mėnavuojėnt Žemaitės 120-ōsės gėmėma metėnės, anuos gimtāsis noms Bokontie bova restaurouts ėr irėngta raši̇̄tuojės memuorialėnė ekspuozicėjė. 2012 m. pagrindėnis dvarelė gi̇̄venamāsis „puonu“ noms dar karta soremontouts, atstati̇̄tė tvarts (kūtės) ėr svėrns.

Memuorialėnie ekspuozicėjuo gal pamati̇̄tė autėntėšku dāktū ėš raši̇̄tuojės gāvenamuosės aplinkuos, sosėpažintė so anuos gi̇̄venėmo ėr kūri̇̄bo. Muziejou i̇̄r rėngamas edokacėnės pruogramas „Žemaitiu kolėnarėnis pavelds“.

Kontaktai

II 10:00 — 17:00
III 10:00 — 17:00
IV 10:00 — 17:00
V 10:00 — 17:00
VI 10:00 — 17:00

Žemėlapis

Atsiliepimai