Šv. Ontuons – prancėškuonu vėinuolis, gi̇̄venės Puortogalėjuo XIII omžiou. Pagal senas tradicėjės i̇̄r tėkama, ka švėntāsis Ontuons apsauga nu vagiū, sogrōžėn pavuogtus ar pamestus dāktus, ožtar kėntontius, gi̇̄da lėguonus, vuo muotrėškuoms paded sosėlauktė vākū ėr lėngviau pagimdi̇̄tė. Žemaitėjuo Šv. Ontuona atvaizdā i̇̄r paplėtė daugiau nego kėtūs Lietuvuos regėjuonūs.
Kretinguo pamaldoms tam švėntājam i̇̄r žėnuoms nu XVII o., ka bažni̇̄čiuo bova pastati̇̄ts Šv. Ontuona altuorios. 1862 m. i Kretinga bova atvežtas Šv. Ontuona relėkvėjės. Nu tuo laika tėkėntējē Šv. Ontuona dėina (bėrželė 13) liuob gautė vėsuotėnius atlaidus.
Mūsa dėinuoms kuožna vasara karto so Švėnta Ontuona atlaidās i̇̄r mėnėma ėr Kretinguos miesta švėntė, katruo būtėnā i̇̄r pagerbams miesta ikūries Chodkevičios Juons Karuolis, vi̇̄kst tradicėnė tautuodailės ėr amatū šventė, kuoncertā, paruodas ėr kėtė rėngėnē.
Atsiliepimai
Rašyti atsiliepimą