Ont 7 kalvū isėkūrosi Žemaitėjės suostėnė Telšē - naujāsis Lietuvuos turizma perlos. Telšiū senamiestis – vėins ėš septi̇̄niū naciuonalėnė li̇̄gmėnėis senamiestiu Lietuvuo.
Kāp saka gera humuora jausma torintis žemaitē - pasaulie i̇̄r dvė didžiuosės sėinas: kinu ėr žemaitiu (pastaruoji – Telšiūs, Respublėkas gatvie). Kinu sėina i̇̄r garsi kėluometrās, vuo žemaitiu – naprili̇̄gstamo meilė Žemaitėjē.
Ont „Didžiuosės žemaitiu sėinas“, nu 2010 m. puošamas mena kūrėnēs, i̇̄r iomžintė svarbiausė so Žemaitėjė, kāp istuorėnio Euruopas regėjuono, sosaisti̇̄tė i̇̄vi̇̄kē: pėrmāsis Žemaitėjės pamėnavuojėms istuoriniūs šaltiniūs 1219 m., euruopėnės svarbuos žemaitiu pergalė Dorbės mūšie, svarbiausė mūšē ėš 200 metu trokosės žemaitiu kuovuos ož laisvė, Europas lėkėma sprėndės Konstanca bažni̇̄tinis sosėrėnkėms ėr „žemaitiu skunds“ anamė, Euruopas krėkšts 1313- 1413 m., Žemaitėjės žemielapis.
„Didžiuoji žemaitiu seina“ – tik vėins ėš daugi̇̄bės poikliū mena kūriniū Žemaitėjės suostinie. Diel planingā kortuos mena kūrėniū ėšdiesti̇̄ma sistemas (arkitekts pruopesuorios Žebrauskis Algėrds) Telšē vėsuo Lietuvuo i̇̄r žėnuomė kāp menū miests.
Dorbės skverė, pri Telšiū amfitijatra, 2016 m. atėdėngts naujausis mena kūrini̇̄s i̇̄r skėrts Dorbės mūšiou, katros ivi̇̄ka 1260 m. lėipas 13 d. Korša žemie, pri Dorbės ežera. Par ton svarbiausi XIII ir XIV o. Lietuvuos istuorijuo mūši žemiatiu konėgākštė Algmėna vaduovaujama kariuomenė sotrioškėna dar namati̇̄ta dėdoma jongtėnė kri̇̄žeiviu, kalavėjuotiu, Danėjės ėr Švedėjės kariauna. Žemaitiu pergalė nuliemė na tik Žemaitėjės, Lietuvuos, bet ėr vėsa Baltėjės ri̇̄tėnės pakrontės regėjuona lėkėma. Paminkla somani̇̄tuos, arkitekts, liešū rinkėma ėr stati̇̄bas organėzatuorios – pruopesuorios Žebrauskis Algėrds. Skulptuorios – Buosos Algėrds.
Atsiliepimai
Rašyti atsiliepimą