##registracija##

Vardas
##pavarde##
##elektroninis-pastas##
Slaptažodis
##pakartokite-slaptazodi##
Registruotis

Bėržuvienu dvara suodība

Iš Prancūzėjės so dom sūnās atvi̇̄kst pati tėkriausė puonė iš grapū gėmėnies ... Atvi̇̄kst tėn, kor nabova ėštėsus 61 metus. So savėm ana tor plana, katrou kažkomet ėš atmėntėis nubraižė anuos bruolis arkitekts, jau pasėtraukės i Omžėni̇̄bė. Puonė dar atmėn, kāp tievū nomūs vėinamė kombarie bova kasama dėdelė doubie šeimuos verti̇̄biems pakavuotė – mat artėnuos pronts. Tumet anā, grapātē, tabova 23 metā. Pu keliū dešimtmečiu praded ėiškuotė pasliepta luobė. Pastata planė vėins kombari̇̄s paži̇̄miets rauduonā. Puonė paruoda, kor kastė. Vi̇̄rā ploš valonda, dvė, tris ... Pu 6 valondū atrond medėnė skri̇̄nė! Anuo – luobis: 290 puorcėlianėniu stuotku (XIX o. Saksuonėjės manufaktūras dėrbėnē), 2 cėdabroutas vazas šampanou ėr 4 botelkas vi̇̄na. Ont vėinuos botelkas etikietės dar gal iveizietė pagamėnėma metus – 1917... Tas i̇̄r ne nuoti̇̄kiu kina scenarėjos. Tas ėš tėkra vi̇̄ka Telšiū rajuonė, Bėržuvienu dvarė. Grapā Gorskē – paskotėnē dvara gaspaduorē – i Vakarus pasėtrauke dar 1944 m. Vuo 2005 m. devinta dešimti ipusiejusi tuos gemėnies palikuonė Janina de Nagurski atvi̇̄ka ėš Prancūzėjės, sorada šeimuos luobi ėr atėdevė Žemaitiu vi̇̄skupi̇̄stės muziejou. Tas bova ne vėinintelė dvara staigmena. 2004 m. vadėnamāsis puonu noms stėprē apdegė. Par gaisra medėnė dvėaukštė pastata pardonga igriova ėr atsėvierė slieptovė. Anuo bova aptėktė 4 albomā so grapū šeimuos puortėgrapijuoms, atvėrlaiškiu albuoms ėr 18 dvara duokamėntu kningu. Kelė duokamėntā bova so ... Lietuvuos ėr Lėnkėjės valduova Augosta II (1670–1733) parašo ėr ontspaudo! Bėržuvienu kaims pėrma karta istuorėniūs šaltėniūs pamėnavuots 1253 m. Žemaitiu vieliavėninks Gorskis Ontuons Bėržuvienu dvara valdė nu 1713 m. Okupacėnė sovietu valdžė. Gorskiū dvara naciuonalėzava 1940 m. Bėržuvienu dvars – medėnės arkitektūras paminklos. Puonu noms – vėins ėš dvijū. Lietuvuo ėšlėkusiu tuokė tipa baruoka laikuotarpė mediniu puonu nomū. Tiktā čia dar gal. pamati̇̄tė ėšlėkosės medėnės XVIII o. oficina, vežėmėnė ėr arklėdė. Dvara daržėnės so ožvažioujamāsēs tėltās i̇̄r vėinintelės Lietuvuo. Dvara suodi̇̄buo i̇̄r 6 sakralėnės ėr mituoluogėnės vėitas: kuopli̇̄tstolpis so ėšdruožta švėntuojė skulptūrelė, Gorskiū šeimuos kapėnės, vuokiečiū kareiviu kapėnės, medinis skėnduoliu kri̇̄žios, Bėržuvienu pėliakanis, Laumės piedas šaltinis. Pagal padavėmus, stebuklings vėitas šaltiniu vondou gal sogronžintė jauni̇̄stė ėr svēkata.

Žemėlapis

Atsiliepimai

  • Ričardas
    2019-11-09

    Gražiai galima pasidžiaugti skaitalu.Centriniai pastatai atstatyti, o paėjus toliau nuo dvaro rūmų pamatai vaizdą, kuris nesiderina su dvaro atgimimu , su visomis to straipsnio liaupsėmis.Buvę dvaro pastatai toliau nuo rūmų apgailėtini.Ypač vienintelės užvažiuojamos daržinės.Iš dviejų, vienos jau sugriuvusios.Buvusios tarybinės veršidės gyvena paskutinius metus.Kumetynas irgi priklauso dvarui.Žmonėms gyvenantiems tuose namuose , pasigražinusiems namą iš išorės ,gauna velnių ir primena draudimais , kad pavelde negalima nieko keisti, viskas turi būti autentiška.Absurdo teatras.Tai jei ne tie žmonės, tai tie kumetyno pastatai turėtų tą patį likimą kaip ir užvažiuojamos daržinės. Buvęs gyventojas Ričardas.